مســـــــاء الخير....
كيفكم....أن شالله تمام
المهم ...وانا احوس بالنت قريت هالقصيده
للشاعر :فهد الفوزان
وحبيت اسدحه بهالمنتدى الغالي
وانشالله تعجبكم مثل ماعجبتني<<ياكثر هذرتك والله
..................
لو كنت تغلي دمعتـي كـان مـا ابطيـت
وما اشقيت روحـي فـي رجـاوي كتابـك
ولو كنت تشـري شوفتـي كـان مريـت
واطفيـت شمعـة ظيقتـي فــي غيـابـك
لك عام مدري عنك ، مـن يـوم صديـت
ومدري وش اللـي حـال دون اللقـا بـك
بين الأمل ، والياس ، ويا علّ ، ويـا ليـت
طـال إنتظـاري لـك ، وطـوّل عذابـك
إن جيـت فـي حيّـك وناظـرت للبيـت
أحـس كـن المـوت واقــف فبـابـك
وإن شفت زول ٍ يشبـه لزولـك أغضيـت
يطري علـيّ عطـرك ، ونقشـة اخضابـك
أحرقـت دمـي مـن كثـر مـا تحريـت
أحــد ٍ يبشـرنـي بـعـودة اركـابـك
تعبت أفكـر : يـا تـرى حـي ٍ او ميـت
مرتـاح ، وإلا الهـم مثلـي سطـا بــك
وش صار ؟ وليه ؟ وكيف ؟ و وش بك تخليت
وليل ٍ خذاااك ابعيـد ، ويـن إنتهـى بـك
أحيان أقـول : إنـك رحلـت وتناسيـت
وإنـي مجـرد نــزوة ٍ فــي شبـابـك
وأحيان أقول : إنـك مـن الحـب مليـت
وإن الشعور اللي لفـا بـك .. غـدا بـك
صحيـح حبيتـك .. ولكـن إذا جـيـت
للحـق .. فإنـي تايـه ٍ فــي سـرابـك
رح في طريقك دامـك أختـرت ، وأقفيـت
والله يـقـدرنـي وأداوي صــوابــك
وأرجـوووك سامحنـي إذا بحقـك أخطيـت
ولا وااا حسايف يوم خـاب الرجـاء بـك
........وسلامتكم
